हाम्रो बारेमा

खाडी मूलुकहरुमा कार्यरत नेपालीहरुको प्रतिनिधित्व हुने गरी पहिलो नेपाली वेवर्साईट नेपाल अरव डट कम वि.सं. २००६ देखि शुरुवात गरिएको हो ।

विशेषत: खाडी मूलुकमा हुने गरेका नेपालीहरुको दीनचर्या, परिस्थिति लगायत विश्वमा प्रवासी जीवन विताउँने आम नेपालीहरुसँग सरोकार राखि यो साइटले आपनो यात्रा अनवरतरुपमा अगाडि वढाउँदै आएको छ । अझ परदेश भित्रिए पश्चात नेपाल वारे जिज्ञासा, समाचार तथा इन्फरमेसनहरु आदि आदानप्रदान गर्ने थलोको रुपमा यो साइटको विकास हुँदा खुशी लाग्नु स्वभाविक नै हो ।

 नेपाली साहित्य, कला र संस्कृतिको पहिचानको लागि पनि यसले भूमिका खेल्ने छ भन्ने हामीले ठानेका छौं । यिनै विषयहरुलाई मुख्य पाटो बनाएर हरेक नेपाल र नेपालीसँग आवद्ध भएका पत्रपत्रिका, वेभ साइट, संघसंस्था आदिसंग हातेमालो गर्दै यो साइट निरन्तर अघि बढिरहेको छ । अर्को पाटोको रुपमा मनोरंजन, वौद्धिक खुराकहरु, आदि विषयहरु पनि यसमा समाबेश छन् । वर्तमान अवस्थामा परदेसिने क्रम व्यापक बढिरहेको र सवैभन्दा वढी नेपालीहरु खाडी मुलुक भित्रिरहेको परिवेशमा यो साइट ती रोजगारीका खातिर परदेश पस्नेहरुको लागि एउटा सुझाव वटुल्ने थलो तथा आधारभूत वौद्धिक, परिवेसिक लगायत साँस्कृतिक आवश्यकता बारेमा जानकारी समेटने श्रोतको रुपमा यो साइटलाई परिमार्जित गर्ने प्रयास गरेका छौं ।

खाडी मुलुक कस्तो देश हो ? यहाँ भित्रनु अघि के कस्ता अभ्यासहरु गर्नु जरुरी छ ? यहाँको वातावरण कस्तो छ ? भन्ने विषयमा पनि यसले क्रमशः मार्गदर्शन गदै जानेछ । साथसाथै भविष्यमा यो साइट खाडी मुलुकवारे जानकारी लिन चाहनेहरुको लागि इ-लाइब्रेरी हुनेछ भन्ने विश्वास लिएका छौं । नेपाल अरव डट कम कुनै विशेष एक वा र्दुइ जनाको सहयोगले मात्र यसको उद्देश्य पूरा हुने होइन बरु तपाईहरु जस्ता पाठकवृद, म्यानपावर कम्पनीहरु, सरकारका तह र तप्कामा बसेका अधिकारिक व्यक्तिहरु, म्यानपावर एजेन्ट, खाडी मुलुकमा स्थापना भएका राजदूतावास तथा त्यहाँका सहचारीहरु, खाडी मुलुकमा गैरकानुनी रुपमै भएपनि स्थापित भएका संघसंस्था, जिल्ला समितिहरु आदिको सहयोगको अपेक्षा हामीले गरेका छौं ।

यस साइटलाई अझ रोचक, जानकारीमुलक, मनोरंजनपरक बनाउने हात भने लेखक, समाचारप्रेमी, कवि, साहित्यकार तथा हास्यव्यग्यकारहरुको समायोजनले निकै महत्वपूर्ण भूमिका खेल्नेछ । यो साइटलाई निरन्तरता दिन पाठकहरुको प्रतिक्रिया, राय सुझाव लेखकहरुको माया तथा तपाईहरुको सहयोग अति आवश्यक छ ।

हामीलाई विश्वास छ, तपाईंहरुको प्रतिक्रिया तथा सहयोग निरन्तर यो साइटले पाइनै रहनेछ ।

धन्यवाद ।

चिज कुमार श्रेष्ठ

संस्थापक/ प्रधानसम्पादक

नेपाल अरव डट कम

 info@nepalarab.com

nepalarab@gmail.com

chijkumar@nepalarab.com