नेपाली श्रमबजार साउदी अरेविया सुनिस्चित, मर्यादित र भरपर्दो हुनसक्छ (एक बिचार)

दीपक ढुंगाना

जतीसुकै राम्रा नारा दिएपनी नेपालले आफ्ना सम्पूर्ण नागरिकलाई बिभिन्न कारणले गर्दा स्वदेशमै रोजगारी दिन सक्दैन। यस अर्थमा करिब ५ लाखको हाराहारीमा नेपाली श्रमिक भएको बिशाल राष्ट्र साउदी अरेबिया बेरोजगार नेपालीहरुको लागि सुनिस्चित एक गन्तब्य हुनसक्छ ।

यसका लागि निम्न लिखित बुँदाहरुमा सबैको ध्यान जानु जरुरी देखिन्छ :

1) नेपाल सरकार र साउदी सरकार बिच श्रम सम्झौता हुनु अनिबार्य छ।

2) श्रम सम्झौता बिना नेपाल सरकार या नेपाली राजदुताबासद्वारा निर्धारण गरिएको नेपाली श्रमिकको तलब भत्ता र अन्य सुबिधा साउदी सरकारबाट अनुमोदन नभए दिर्घकालमा भरपर्दो नहुन सक्छ ।

3) कुट्नैतीक नियोग वा नेपाली राजदुताबासले नियामक निकायको भन्दा पनि श्रम सम्झौतामा उल्लेख गरिएका बुँदाहरु तथा नेपाल सरकार, श्रम मन्त्रालय या बैदेशिक रोजगार बिभागद्वारा जारी नियमहरु कार्यन्वयन (यदी कार्यन्वयन नभएको पाइएमा) को लागि त्रीपक्ष (श्रमिक, Manpower Recruiting Agency र साउदी कम्पनि) बिच एक सहज कर्ता वा मध्यस्त निकायको भूमिका निर्बाह गर्नु राम्रो हुन्छ ।

4) श्रम सम्झौता मा श्रमिकको क्षमता र दर्जाको आधारमा श्रमिकले पाउने तलब भत्ता, बोनस र अन्य सुबिधाहरु उल्लेख गरिनु पर्दछ र श्रमिकका अधिकारहरु सुनिश्चित गरिनु पर्दछ।

5) साउदी सरकार/कम्पनीहरुलाई के कस्ता श्रमिकहरुको खाँचोपर्छ, सो सोही अनुसारको श्रम शक्ती उपलब्ध गराउनकोलागि नेपालमा तालिम केन्द्रहरुको स्थापना गरिनु पर्दछ।

6) Nepal का Manpower Recruiting Agency हरुले रोजगारदाता कम्पनीको माग अनुसार दक्ष्य र तालिम प्राप्त श्रमिक आपुर्ती गर्नु पर्दछ ।

7) नेपालमा भएका जनसक्ती आपुर्ती केन्द्र, Manpower Recruiting Agency हरु र तिनिहरुका एजेन्टहरुलाई नियमित (Update) गरी बैदेशिक रोजगार बिभागले आफ्नो वेब साई मा राख्नु पर्दछ।

8) साउदी कम्पनीहरुलाई श्रमिकको जरुरत परे पश्चात दुई देश बिच भएको श्रम सम्झौता अनुसार निर्धारण गरिएका कागजपत्रहरु तयार गरी सम्बन्धित निकायबाट प्रमाणित गराई आँफुले रोजेको Manpower Recruiting Agency लाई दिनु पर्दछ।

9) सोही प्रमाणित कागज पत्रको आधारमा सरकारले Manpower Recruiting Agency लाई श्रमिक उपलब्ध गराउने अनुमती दिनु पर्दछ।

10) आँफुले पठाएका श्रमिक हरुले करार अबधी भित्रमा करारमा उल्लेख भए अनुसारको सेवा सुबिधाहरु पाए नपाएको बारेमा Manpower Recruiting Agency हरुले कम्पनीमा गएर जानकारी लिनु / निरिक्षण गरिनु पर्दछ र यदी नपाएको खन्डमा दिलाउनु पर्दछ ।

11) साउदी कम्पनीहरुले श्रमिक आयात गर्दा सम्पूर्ण खर्चहरु बेहोर्ने हुँदा Manpower Recruiting Agency हरुले श्रमिकबाट लिदै आईरहेका तेस्ता शुल्कहरु लिनु हुँदैन र Manpower Recruiting Agency हरुले रोजगारदाता कम्पनीहरुबाट आफ्नो कमिशनका साथसाथै श्रमिक आपुर्ती गर्दा लाग्ने सम्पूर्ण खर्चहरु लिन सक्नु पर्दछ।

12) श्रम सम्झौतामा उल्लेख गरिएका बुँदाहरु समय सापेक्ष पुनराबलोकन गरिनु पर्दछ।




_______________________________________________
e-mail: dibb4u@gmail.com
Cell # 0593376990
.

Posted on : June 28, 2012, 8:41 pm

Source :