Nepalarab : A Gulf Nepalese Representative Site, Daily News, Information, Literature & many more...

Editorial-Archive ! News-Archive ! Article-Archive ! Interview-Archive ! Poem-Archive ! Comedy-Archive ! Movies

एनआरएनए घरेलु महिला उद्धार कोष साउदी अरब तथा दुतावासको सहयोगमा सुकमायां दमाई स्वदेश फर्किदै

२ बर्ष २ महिना अघि बम्बै हुंदै साउदी अरब आइपुगेकी दुधराक्ष–९, रूपन्देहीकी श्रीमति सुकमायां दमाई यही १० फेब्रुअरी २०११ मा बहराइन एअरको फ्लाइट नम्बर BN 513 बाट बिहान १०.१० मा काठमाडौ पुग्दैछिन ।
sukmaya by nepalarab

साउदीको घरमा अत्यधिक कामको चाप जसोतसो खेप्दै ब्यहोर्दै आएकी सुकमायां एकदिन अचानक लडिन र देब्रे खुट्टा नै फ्याक्चर भयो । यस्तोमा मालिकले अस्पताल लगी उपचार गर्नु त कता कता उल्टै घर मालिक्नीले काम गर्न नसकेको भन्दै कुटपिट गर्न थालिन । अत्यधिक कामको चाप, दुर्घटनामा परी बिरामी हुंदा समेत उपचार नगरिदिनु, तथा साहुनीले दिने यातना खप्दा पनि सुकमायांले बिगत १ बर्ष देखिको पारिश्रमिक (तलब) पाउन सकिनन । उनी माथि साउदी मालिकले गरेको यस्तो शोषण, अन्याय र अत्याचार आखिर सुकमायांले कतिञ्जेल खप्न (सहन) सक्थिन र !?… बल्लतल्ल गतः १० डिसेम्बर २०१० मा उनी उक्त घर (यातनागृह)बाट भाग्न सफल भइछिन । खुट्टा फ्याक्चर भएकोले खोच्याउंदै साउदी अरबको सडकमा हिंडिरहेकै अवस्थामा साउदी प्रहरीले उनलाई भेटे र उनी ‘नेपाली’ भएको थाहा भए पछि रियादस्थित नेपाली दुतावासमा छोडिदिए ।

सुकमायांसंग न त उनको पासपोर्टको कपी छ, न त इकामा (Saudi Residence Permit), न त उनलाई मालिकको नाम थाहा छ न त उसको घर ठेगाना सम्पर्क नम्बर नै छ । बेदराज दर्जीकी ४२ बर्षिय श्रीमति सुकमायांका सोतनी १ समेत गरी जम्मा ६ शन्तान छन तर उनीसंग नेपालका कुनैपनि आफन्तको सम्पर्क नम्बर समेत छैन । तर यिनीसंग एनजना नेपाली झबिन्द्र चापागाईंको मोबाइल नम्बर (०० ९७७ ९८४७२६३९४२) फेला पर्यो । यिनी को हुन त भनी सोद्धा झबिन्द्र उनलाई साउदी अरब पठाउने एजेन्ट जसको आफ्नै सञ्जाल नै छ, का एक पात्र भएको खुलासा गरिन । झबिन्द्रले दुतावासमा फोन पनि गर्ने र सुकमायाको बारेमा सोधपुछ पनि गर्नेरहेछन तर दुतावासबाट “सुकमाया अहिले बिरामी र अशक्त छिन, यसैले यिनी अब काम गर्न सक्दैनिन, १ बर्षदेखिको तलब पनि पाएकी रहिनछिन, अब उनी घर फर्किन चाहन्छिन, कमसेकम यिनको टिकट त मिलाइदिनुस” भन्दा उक्त फोन वार्ता त्यही ‘कट’ हुने रहेछ ।

दुतावासको अनुरोधमा एनआरएनए साउदी अरब ‘घरेलु महिला उद्धार कोष’बाट कोषको सञ्चालक समितिको स्वीकृतिमा ७२६ साउदी रियालमा रियाद – बहराइन – काठमाडौंको हवाई टिकट खरिद गरिदिएकोले सुकमाया घर फर्किन पाउने भइन । नेपाली दुतावास रियादले सुकमायाको उपचार गरी हिडडुल गर्नसक्ने बनायो र घर फर्किनका लागि आवश्यक कागजात (ट्राभल डकुमेन्ट, एक्जिट भिषा, आदि) को ब्यवस्था पनि गरिदियो ।

सुकमाया दमाई संगै (एउटै फ्लाइटमा) दुतावासले अन्य ६ जना नेपाली पीडित महिलाहरूलाई पनि उद्धार गरी स्वदेश पठाउंदै छ । बिभिन्नखाले आ आफ्नै दुखद कथा ब्यथा बोकेर स्वदेश फर्किने अन्य महिलाहरू (१) भुमिसरा बराल, (२) निरू सुनार, (३) नन्दकली बि.क., (४) राधिका महतो, (५) लक्ष्मी बुढाथोकी र (६) अनिता गुरूंग हुन ।

गैर आवासीय नेपाली संघ साउदी अरब उपरोक्त सातै जना पीडित नेपाली महिला कामदारहरूलाई काठमाडौ बिमानस्थलमै भेटी उनीहरूका कथा ब्यथाहरू सुन्न, सुनाउन र झबिन्द्र चापागाईं जस्ता नेपाली महिला बेचबिखनमा संलग्न एजेन्टहरूलाई कानुनको दायरामा ल्याई सजायको भागिदार बनाउन सबै मानव अधिकार कर्मी, महिला उद्धारकर्मी तथा सम्बन्धित सरकारी निकाय र गैर सरकारी संघ संस्थाहरूलाई समेत बिशेष अपिल गर्दछ ।

Posted on : February 9, 2011, 4:22 am

Source :एनआरएनए साउदी अरब

Post your comments:

Comments on topic:

Your Name:

Your Email:

Verification Code: [Type the number from image]

Your Comment: