Nepalarab : A Gulf Nepalese Representative Site, Daily News, Information, Literature & many more...

Editorial-Archive ! News-Archive ! Article-Archive ! Interview-Archive ! Poem-Archive ! Comedy-Archive ! Movies

आदिवासी र मधेसी सभासद पार्टी प्रस्ताव विरुद्धमा

काठमाडौ, २८ वैशाख । आदिवासी जनजाति सभासद्हरुको समुह ‘ककस’, दलित तथा मधेसी मोर्चा सम्बन्ध सभासदहरुले माओवादीले अघि सार्दै आएको १४ प्रदेशको खाकालाई समर्थन गर्ने निर्णय गरेका छन् ।

कांग्रेस–एमाले लगायतका दलहरुले राज्य पूर्नसंरचना गर्दा जातिय पहिचानलाई स्वीकार गर्नै नसकिने बताईरहेका बेला ति जनजाति, दलित तथा मधेसी सभासदहरुले भने जातिय पहिचान सहितको १४ प्रदेशलाई समर्थन गर्ने निर्णय गरेको हो ।
संयुक्त लोकतान्त्रिक मधेसी मोर्चा, आदिवासी जनजाति सभासद सभा ‘ककस’ दलित, मुस्लिम र अन्य बिभिन्न दल सम्बद्ध तथा स्वतन्त्र सभासदहरुको विहिवार वसेको संयुक्त वैठकले आउदो जेष्ठ १४ भित्र नया संविधान निर्माण गर्ने प्रतिवद्धता जनाउदै १४ प्रदेशको प्रस्तावलाई सर्मथन गर्ने निर्णय गरेको हो ।

वैठकपछि माओवादी सभासदहरु अमिक शेरचन, देव गुरुङ, वर्षमान पुन, फोरम लोकतान्त्रिकका अध्यक्ष बिजयकुमार गच्छदार, एमाले सभासद पृथ्वी सुब्बा गुरुङ, काग्रेसका सभासद इन्द्रबहादुर गुरुङ, सदभावनाका अध्यक्ष राजेन्द्र महतो, तमलोपा नेपालका अध्यष महेन्द्र यादव, तमलोपाका नेता हद्धेयेश त्रिपाठी, फोरम गणतान्त्रिकका अध्यष राजकिशोर यादव लगायत ३५ सभासदहरुले हस्ताक्षर गरी विज्ञप्ती जारी गरेका हुन् ।

विज्ञेप्तीमा राज्यको पुन:संरचना तथा राज्यशक्तिको बाडफाड समितिको प्रतिबेदन र राज्य पुन:संरचना उच्चस्तरीय सुझाव आयोगको बहुमतको प्रतिबेदनलाई मुख्य आधार बनाई संघीय राज्य पुन:संरचनाको पक्षमा दृढतापूर्वक उभिने उल्लेख गरिएका छ ।

साथै उनीहरुले राज्य पर्नूसंरचनाका सावालमा आउने अन्य निर्णय आफनै पार्टीले गरेपनि त्यसलाई नमान्ने स्पष्ट पारेका छन् ।

Posted on : May 10, 2012, 1:24 pm

Source :

Post your comments:

Comments on topic:

Your Name:

Your Email:

Verification Code: [Type the number from image]

Your Comment: