Nepalarab : A Gulf Nepalese Representative Site, Daily News, Information, Literature & many more...

Editorial-Archive ! News-Archive ! Article-Archive ! Interview-Archive ! Poem-Archive ! Comedy-Archive ! Movies

नेपाल तामाङ्ग घेदुङ्ग कुबेतले प्रोत्साहन स्वरुप स्थानीय कलाकारलाई पारिश्रमिकको ब्यबस्था गर्ने

नबराज पन्थी,

आफ्नो स्थापनाको छोटो समयमा उदाहरणीय कार्य गरि कुवेतबासी नेपालीमा राम्रो छाप छोड्न सफल भएको नेपाल तामाङ्ग घेदुङ्ग कुबेतले शुक्रबार एक समाहरोको आयोजना गरि हालै घेदुङ्गको आयोजनामा भएको २५५६ औ बुद्धजयन्ती कार्यक्रम भब्यताको साथ सम्पन्न गर्न सहयोग पुर्याउने सबैमा हार्दिक धन्यबाद ज्ञापन गरेको छ। मालिया स्थित एशिया एशिया होटलमा सम्पन्न कार्यक्रममा सबैको स्वागत गर्दै कोसाध्यक्ष निर्मल तामाङ्गले नेपाल तामाङ्ग घेदुङ्ग कुबेतले आउदा दिनहरुमा सामाजिक कार्यमा सक्रिय पुर्बक लाग्ने बताउनु भएको थियो ।

नेपाल पत्रकार महासंघ कुबेत शाखाका अध्यक्ष सुजन केसीले प्रबासको बसाईमा नेपालीपन नेपाली माया भावना नेपाली कला सस्कृति भुल्ने मान्छेले भोलि आफु स्वयमलाई भुल्छ भन्दै तामाङ्ग घेदुङ्गले आफ्नो पहिचान कला सस्कृति जोगाउन सक्रिय रहदै कुबेतको नेपाली समाजमा पुर्याएको योगदानको तारीफ गर्नु भएको थियो भने घेदुङ्गका सक्रिय सदस्य सुन बहादुर तामाङ्गले एकजुट भएर तामाङ्ग कला सस्कृति भेषभुसा भाषा जोगाउन तल्लिन रहदै घेदुङ्गको अर्थ बुझेर अघि बढ्न सबैलाई आग्रह गर्नु भएको थियो ।

नेपाल तामाङ्ग घेदुङ्ग कुबेतका अध्यक्ष राम बहादुर लामाले कार्यक्रम सफल बनाउन सहयोग गर्ने नेपाली दुताबास, नेपाली संघ सस्था, समाजसेबी, बुद्दिजिबी, पत्रकार लगायत सम्पूर्ण कुवेतबासी नेपालीलाई धन्यबाद दिदै ब्यानर उपलब्ध गराउने कुमार नेपालीलाई आभार ब्यक्त गर्नु भएको थियो । सोहि अबशरमा अध्यक्ष लामाले नेपाल तामाङ्ग घेदुङ्ग कुबेतले अब देखि आयोजना गर्ने कार्यक्रममा आफ्नो कला प्रतिभा प्रस्तुत गर्ने घेदुङ्गमा आबद्द् या अरु संघ सस्थावाट सहभागी हुने स्थानीय कलाकारलाई प्रोत्साहन स्वरुप पारिश्रमिक उपलब्ध गराउने परिपाटी बसाल्न लागेको कुरा जानकारी गराउनु भएको थियो।

अध्यक्ष राम लामा को सभापतित्व सचिब अमृत तामाङ्गको संचालनमा सम्पन्न कार्यक्रममा कलाकारहरुलाई प्रशंसापत्र प्रदान गरिएको थियो । उपाध्यक्ष अर्जुन तामाङ्ग, कृष्ण गुरुङ्ग श्याम थापा लगायतको उपस्थिति रहेको कार्यक्रममा सम्मर तामाङ्ग, शुरेस याक्पा, कृष्ण तामाङ्ग, पुस्प वाइवा, रत्न मोक्तान लगायत घेदुङ्गमा आबद्द् सदस्यहरुले कार्यक्रमको समिक्षा गरेका थिए ।

स्मरण रहोस गत २५-मे मा २५५६ औ बुद्धजयन्ती मरुभूमिको देश कुबेतमा नेपालबाट आएका चर्चीत गायिकाद्वय तुलासा वाइबा र इन्दिरा योन्जनको साथमा स्थानीय कलाकारलाई समेटेर भब्य सास्कृतिक कार्यक्रमको आयोजना गरि बुद्धजयन्ती मनाएको थियो ।

Posted on : June 9, 2012, 8:34 am

Source :

Post your comments:

Comments on topic:

Your Name:

Your Email:

Verification Code: [Type the number from image]

Your Comment: