सुनामीपींडित जापानीहरुलाई नेपाली भोजन

अप्रिल १ तारिक शुक्रवार जापानको उत्तरपूवी क्षेत्र फुकुसिमाका सुनामी प्रभावित आठ सय भन्दाबढी जापानीहरुलाई एन आर एन जापानको सक्रियतामा जापानबासी नेपालीहरुले नेपाली स्वादको भोजन गराएर जापानीहरुको दुखमा आफूहरु पनि साथै रहेको सन्देश दिदैं सहयोगी भावनाको प्रदर्शन गरियो। एनआरएन जापानको अगुवाइमा एकहजार जनाको लागि भात चिकेन सुप करी र मुलाको अचारको प्रबन्ध गरेर फुकुसिमा आणविक उर्जा केन्द्रबाट करिब ४० किलोमिटरको दुरीको इवाकी सहरमा रहेका ३ वटा सेल्टर र इवाकी सहरको मेइसेइ बिश्वबिद्यालयको प्राङ्गणमा भूकम्प र सुनामी पींडितहरुको सहयोगार्थ गठित उद्धार समितिले उक्त नेपाली खानाको प्रबन्ध गरिएको हो । अन्तराष्ट्रिय निकाय र संचार माध्यमहरुले समेत विकिरणको प्रभाव क्षेत्र भित्र राखेको उक्त स्थानमा एनआरएन जापानका अध्यक्ष लालबहादुर केसी रोशनको नेतृत्वमा नेपाली टोली करिव १ हजार जना पींडित जापानीहरुको लागि खानाको जोहो गरी उद्धार टोली उक्त दिन बिहानै त्यसतर्फ प्रस्थान गरेको थियो ।

खाना खुवाउँदै गर्दा शिविरमा रहेका सयौं पींडित जापानीहरुसंग प्रत्यक्ष भेटेर टोलीले वास्तविक वस्तुस्थितिको अध्ययन तथा अवलोकन गरेको थियो । भूकम्प तथा सुनामी पछि तिन हप्ता वितिसक्दा पनि त्यस क्षेत्रका धारामा खानेपानी वितरण हुन सकेको छैन । इवाकी स्थित ताइरा खोग्यो माध्यमिक विद्यालयको सिविरमा आश्रय लिइरहेकी सुजुकी युकिकोले त्यहाँको अवस्था बताउँदै भनिन् यहाँ आएर अहिले सम्म तातो र नुनिलो खाना खान पाएका थिएनौं । मेरा श्रीमान् डायविटिजका रोगी हुनुहुन्छ तर खाने कुरा गुलियो पाउरोटी र केकहरुबाहेक अरु केही छैन । नखाए पनि नहुने खान पनि नहुने अवस्था छ । आज तपाइहरुले तातो भात र करी ल्याइदिएर धेरै गुण लगाउनु भयो । इवाकी मेइसेइ बिश्वबिद्यालय, चुओ दाई कुमिन खाइकान, चुओ दाई हिगासी प्राबि र ताइरा कोग्यो माबि गरी ४ वटा शिविरमा रहेका पींडितहरुलाई उद्धार समितिले भोजन गराएको हो ।

"हामी जापानमा बसेका नेपालीहरुको तर्फबाट आजको यो सानो सांकेतिक सहयोगकारुपमा भोजनको प्रबन्ध लिएर यहाँहरुको दुःखमा साथ दिन आएका छौं, यसलाई हामी नेपालीहरुको भावनात्मक सहयोग र सहानुभूतिकारुपमा लिईदिनुहोला" । एनआरएन जापानका अध्यक्ष तथा उद्धार तथा सहयोग समितिका उपसंयोजक रहनुभएका लालबहादुर केसी ’रोशन’ले भन्नुभयो।

कार्यक्रममा एन आर एन आइसिसिसका लागी जापानका प्रतिनिधी श्री अरुण श्रेष्‍ठ, एन आर एन जापानका सल्लाहकार डा. राम गिरी, उपाध्यक्ष श्री भुषण घिमिरे लगाएतका प्रतिनिधीहरु तथा जापानका बिभिन्न संघसंस्थाका प्रतिनिधि, ब्यवसायी, पत्रकार, समाजसेवी लगायतका २५ जना स्वयमसेवकहरुको उपस्थिती रहेको थियो। ४ वटा शिविरमा रहेका पींडित जापानीहरुलाइ खानाको साथै पेयपदार्थ, चाउचाउ, बच्चाबच्चीहरुका लागि खेलौना आदि पनि बितरण गरिएको थियो । नेपाली दूताबास, एनआरएन लगायतका यहांका बिभिन्न संघसंस्थाहरु उद्धार समितिमा आबध्द भई बिपत्तिका घडिमा जापानका नेपालीहरु एक भएर मिलेर काम गरिरहेका भए पनि कार्यक्रममा दुतावासको सहभागिता थिएन ।

एनआरएन जापानका अध्यक्ष केसीले शुरुमा नेपालीहरुलाई सहयोग गर्न समिति गठन भएको र नेपालीहरुको उद्दार भैसके पछि केही सकिन्छ भने जापानीहरुलाई पनि सहयोग गर्नु पर्छ भनेर प्रयास गरेको बताए । नेपाली खाना ख्वाउने निर्णय त गरियो तर ठाउँ खोज्न र अनुमति लिन पनि गारो भयो । दुतावासले पहल र सहयोग गरिदिएको भए सहज हुने थियो होला दूतावास ओसाका सरेका कारण त्यो कुरा सम्भाव भएन । तै पनि हामीले सोचे अनुसार काम गर्न सक्यौ गौरब लागेको छ । नेपाली टोलीले टोकियोदेखि फुकुसिमा सम्मको झण्डै ३ घण्टाको बसयात्रा तय गरेको थियो ।



- महासचिव एनआरएन जापान

Posted on : April 5, 2011, 9:34 am

Source :

• First
• 2
• 3
• 4
• 5
• ...
• LAST