जनतासँग प्रधानमन्त्री रेडियोमा ...

Salokya

बाबुराम भट्टराईले प्रधानमन्त्री भइसकेपछि पहिलो पटक आइतबार रेडियोमा जनतासँग लाइभ अन्तर्क्रिया गरे। प्रधानमन्त्रीले ठूलो भइटोपल्नु हुँदैन। आफूलाई जनताको नजिक राखिराख्‍नुपर्छ। यस्ता अन्तर्क्रिया पहिलेका प्रधानमन्त्रीले पनि गर्नुपर्थ्यो, पछिका प्रधानमन्त्रीले पनि गर्नुपर्छ। पहिलो अन्तर्क्रिया भएकाले केही कमी कमजोरी देखिए, यसलाई सुधारेर यस्ता कार्यक्रम जारी राख्‍नुपर्छ। अझ अन्तर्क्रियामात्रै हैन, शान्ति प्रक्रिया र स‍ंविधान निर्माणमा भएका प्रगति, बाधा अड्चन, आफूले गर्न लागेका कार्यक्रम, भइरहेका कार्यक्रम आदिबारे रेडियोबाटै साप्ताहिक सम्बोधन पनि गर्न जरुरी छ। कसैलाई लाग्ला, प्रधानमन्त्रीको अरु केही काम हुन्न र हप्तैपिच्छे सम्बोधन गरिरहनु, यसले प्रधानमन्त्रीलाई ‘चिप’ बनाउँछ। गलत! काम न काजका कार्यक्रमहरुमा उद्‍घाटन गर्न जानुभन्दा बरु जनतासँग आफूलाई नजिकमा राख्‍नु धेरै राम्रो हो। अमेरिकी राष्ट्रपतिले त रेडियोमा साप्ताहिक सम्बोधन गर्ने गर्छन् भने हाम्रा प्रधानमन्त्रीले गर्न नहुने भन्ने के छ ?

प्रधानमन्त्रीले रेडियो नेपालमा आज राति गरेको लाइभ अन्तर्क्रियाको रेकर्ड सुन्न भित्र आउनुस्।

प्रधानमन्त्रीले रेडियोमा लाइभ अन्तर्क्रिया गर्ने भनेपछि इमेलहरु थुप्रै आए होलान्, फोन पनि थुप्रै आउनु पर्ने हो। तर कार्यक्रम अवधिभर सञ्चालकले मात्रै धेरै प्रश्न सोधे। फोन कल धेरैको लिइएन। फोन कल नआएको हो कि नलिइएको हो, थाहा भएन। कतिपय अवस्थामा त कार्यक्रम अन्तर्क्रियाको हैन, अन्तर्वार्ताको हो जस्तो सुनियो। लामा लामा प्रश्न सोधेर विद्वता छाँट्न खोज्ने प्रश्नवाचकलाई समेत समयमै हस्तक्षेप गरेको देखिएन कार्यक्रम सञ्चालकले। छोटो छरिटो रुपमा इमेलका प्रश्नहरु धेरै लिन सकिन्थ्यो, त्यो पनि गरेको देखिएन। आगामी कार्यक्रमहरुमा यसमा सुधार गर्न जरुरी छ। पहिलो पाइला सकारात्मक चालिएको छ। आउँदा पाइलाहरुमा सुधार हुँदै जाने आशा गर्न सकिन्छ।

रेडियो कार्यक्रमलाई निजी टेलिभिजन एभिन्युजले प्रसारण गरे पनि नेपाल टेलिभिजनले भने नगर्नु अनौठो रह्यो। सके त प्रधानमन्त्री बाबुराम भट्टराईले भेनेजुएलाका राष्ट्रपति ह्युगो चाभेजको जस्तो Aló Presidente अर्थात् हेलो राष्ट्रपति शैलिको कार्यक्रम चलाउनु पर्ने हो। भेनेजुएलाको सरकारी रेडियो र टेलिभिजनमा आइतबार बिहान ११ बजेदेखि सुरु हुने यो कार्यक्रम कहिले सकिन्छ भन्ने निश्चित हुन्न। सामान्यतया अपराह्न ५ बजे सकिन्छ। कार्यक्रममा उनले फोन कलहरु लिन्छन् र गुनासो अनुसार तत्काल सम्बन्धित मन्त्रीहरु वा सम्बन्धित निकायलाई निर्देशन दिन्छन्। दक्षिण अमेरिकाका अन्य देशहरु जस्तै बोलिभिया, इक्वेडर आदि देशमा पनि यस्तै कार्यक्रम सञ्चालन गरिन्छन्।

यो स्तरमा गर्न नसके पनि अहिले पत्रिकाहरुमा आएको खबर अनुसार निर्देशन दिने काम गरे जस्तै गुनासाहरु सुन्ने र तत्काल निर्देशन दिने कार्यक्रम प्रधानमन्त्रीले अहिले चलाउन सक्छन्।

पहिलो अन्तर्क्रियामा उनले राष्ट्रिय पोशाकको बारेमा, श्रीमती हिसिला यमिले महँगो गाडी लिएको भन्ने गुनासोको विषयमा, शान्ति प्रक्रिया र पार्टीभित्रैको विवादका विषयमा स्पष्ट पार्ने कोशिश गरे। तर रक्षामन्त्रीको अभिव्यक्ति विवाद, स्वास्थ्य मन्त्रीले पत्रकारलाई पैसा दिएको विवादका विषयमा भने कुनै प्रश्न सोधिएन वा सोध्न लगाइएन। यी विषयमा पनि उनको विचार आउनु पर्थ्यो।

प्रधानमन्त्रीले आइतबार गरेको रेडियो अन्तर्क्रिया -
Click Here

Posted on : October 3, 2011, 8:12 am

Source :mysansar

• First
• 2
• 3
• 4
• 5
• ...
• LAST