परदेसी छोरीलाई आमाको पत्र

मेरी प्यारी छोरी सन्जु
धेरै धेरै सम्झना ।

यहाँ म आराम छु । त्यहाँ तिमी पनि आरामै र खुशी रहेको हेर्न र सुन्न चाहन्छु । मेरी प्राणप्यारी छोरीलाई कहिल्यै दुःख पिडाको सामनागर्नु नपरोस् भनेर हरपल श्री पसुपतिनाथ नाथसँग प्रार्थना गरीरहेकी छु ।

दशौं महिनासम्म गर्वमा राखेर तिमीलाई यो धर्तिमा ओरालें । लेखान्त भनौं, तिमी जन्मेको ३ महिनामै बाबा सम्पर्कविहिन हुनुभयो । सम्पत्ति कमाउँन भनी साउदी अरब जानुभएको कहिल्यै र्फकनुभएन । तिमी तोते वोल्न थाल्दा नै पहिलो शब्द नैे 'बाबा' को नाम उच्चारण गर्यौ । यो शब्दले मनमा खुशी र आँखा पिडाका आँसु ल्यायो । तिमीलाई हुर्काउ पढाउन मैले धेरै सघर्ष गर्नु पर्‍यो । दिन रात अर्काको भारी बोकेर तिमीलाइ पढाउँनु मेरो जिम्मेवारी बन्यो ।

छोरी एक दिन तिमीले मेरो आँखाको आँशु पुछ्दै भनेकी थियौ- 'आमा ! म हजुरकी छोरी हैन हजुरको छोरा भएर जन्मलिएकी छु । किन पिर गर्नु हुन्छ ? म विदेश गएर धन पैसा कमाउँछु । बाबाले लिनु भएको ऋण तिर्नेछु ।' तिम्रो कुराले मलाई सान्तोना र आशा पलाईदियो । मलाई विस्वास छ, तिमीले भनेका कुरा पुरा गर्नेछ्यौ । तिमीले बाबाको खोजी गरेर यथार्थता पत्ता लगाउन सक्नेछ्यौ ।

छोरी, तिमीलाई सात समुन्द्र पारी पठाउँदैछु । पक्कै मैले देखाएको वाटो विराएर अर्को वाटो रोज्नेछैनौ भन्ने आशा लिएकी छु । आमालाई निराष बनाउँने

छैनौ । तर पैसा कमाउँने होडमा आफ्नो अस्तित्व लिलाम नगर्नु । मैले सुनेकी छु, पैसा कमाउँने र मोज मस्ती गर्ने होडमा नेपाली नारी पनि घरपरिवार भुलेर बसेकाछन् । कोही कोही पलभरीको मायाँजालमा फसेकाछन् । सबै नेपाली नारी सचेत हुन आवश्यक छ । जुन लक्ष लिएर विदेशीएकाछन् निष्ठवान भएर पूरा गरुन् । रानी गाउँकी निर्मायाले जस्तै वदनाम् नगरुन् । आज एउटाको विस्तारा त भोली अर्काको काख भरेरै होला, छोटो समयमा मनग्ये धन सम्पत्ति कमाइछ । पसिनाको कमाइले यति थोरै समयमा यति धेरै सम्पत्ती जोड्ने सकिने भए राता घरकी चमेलीले पनि महल वनाउँनु पर्ने हैन र ..तर विचरी साह्रै सोझी र इमान्दारी रैछ नावालक छोराछोरी जढ्या लोग्नेको भरमा छोडेर विदेसीकी । कहिल्यै गलत पाइला चालिन । वरु उल्टै जढ्या लोग्नेलाई सम्झाएर चिठी पत्र पठाउँदै रैछ । तिमीलाई थाहा छ छोरी ..? आज भोली त उस्को श्रीमान पनि लज्जीत छ मैले गर्दा सात महिनाकी सुत्केरी चमेली विदेश जान वाध्य भइन् आफैलाई धिकार्दै रुन्छ ... त्यति धेरै रक्सीले मातेर गल्लीहरुमा सुत्दै हिढ्ने मान्छे आज भोली त एक्कासी परिवर्तन भएको छ । उसैसंग रातदिन् रक्सीमा होली खेल्ने पल्लो गाउँको हेमन्त माथिल्लो गाउँको सुरुज पनि चमेलीको श्रीमान्को ब्यवहार देखेर दंङग छन् । गाउँ गाउँमा खोलीएका रक्सी भट्टीहरु वन्द गर्न आव्हान गर्दैछ । यसरीनै नराम्रो काम त्यागेर राम्रो काम अंगाल्ने हो भने भत्कीएको घर जोडिन समय नलाग्ने रहेछ । हो छोरी नराम्रो कामको नराम्रै नतिजा देख्न पाइँदो रहेछ ।

रानी गाउँकी निर्मायाको हालत धेरै नाजुक छ उस्लाई यस्तो रोग लागेको रे खै पैसापैसाले केही पनि गर्न नसक्ने विदेशमा हुन्जेलको अरुसंग रात विताई कता कता जवानी किलोको भाउमा विक्रि गर्दै हिडीछ आज उस्को नजिक कोही जान त के उस्लाई एक नजर लगाउँने सम्म कसैको आँट पुग्दैन । बेबारिसे भएकी छे भए भरको पैसा औषधी गर्दै सकि आखिर निकोहुने कुनै छाँटकाट छैन । निको हुने रोग लागेको भएपो निको हुनु । हो छोरी तिमीले मेरो आज्ञा विपरीत कुनै कदम नचाल्नु म तिम्री आमा हुं । आमाले आफ्नो सन्तानको कुभलोहोस् भन्ने कहिल्यै सोच्दैनन् । बरु चमेलीले परिश्रम गरेर थोरै कमाए पनि उस्को स्वाथ्य स्थीती राम्रो छ । विदेशमा पैसाकै लागि जे पनि गर्ने नेपालीहरुले नेपाल फर्किपछि कहिल्यै निको रोगले सताएर थलिएका अनगिन्ती छन् । अव कोही पनि यस्ता हुन नपरोस् ।

जीवनमा सबै भन्दा ठूलो सम्पत्ति स्वास्थ्य नै हो । जीवन स्वास्थ्य रह्यो भने धनदौलत कमाउँन सकिन्छ । जीवन रहे धनपैसा काम लाग्छ । जीवननै नरहे के

गर्नु । मेरो जीउने आधार नै तिमी हौ । आज भोली त सपना पनि नराम्रो देख्दैछु । दिनदिनै साहुले अत्याउँदै छ, ऋण तिर्न ढिला भयो । तिम्रो काम कस्तो छ ?

छोरी, तिमी आज आफै विदेश गएकी छौ तिम्रो वावाको अत्तो पत्तो छैन । अब तिमीले नै वावाले दिनु भएको वचन पूरा गर्नु पर्छ मेरो सुहाग फर्किएर नआए पनि मेरो केही दुःखको पाटो सकिएको खबर अबस्य आउँने छ म त्यहि दिनको पर्खाइमा हुनेछु । यो पत्र पाएपछि पत्र लेख्न नभुल्नु, आजलाई यतिनै ।

उही तिम्री प्यारी आमा

इन्द्रमायाँ

Posted on : April 1, 2012, 7:24 am

Source :Kantipur Qatar : by: जगतराम बर्देवा 'घायल’

• First
• 2
• 3
• 4
• 5
• ...
• LAST